Wararka maanta ee Raadiyaha Iswiidhen

Warar iyo Barnaamijyo Af Soomali ah

Hoggaamiyaha Xisbiga Moderaterna Ulf Kristersson ayaa qorsheeynaya inuu bilaabo in uu soo dhiso xukuumad cusub, taas oo ku taagan xisbiyada Moderaterna, Sverigedemokraterna, Krisdemokraterna iyo Libaraalerna. Ma jiri doonto aqlabiyad ay helaan maamulka garabka bidix ee gobolka Göteborg, sida ay sheegtay P4 Göteborg, hase yeeshee magaalada Istockholm ayaa laga yaabaa inay awoodda la wareegaan. Hoggaamiyaha xisbiga Centerka Annie Lööf ayaa is casishay, iyadoo shir jaraa'id oo ay maanta qabatay ku sheegtay go'aankeeda iscasilaadaas la xiriira.