Maanta iyo wararka radio Sweden

Wasaaradda arrimmaha dibadda Ruushka ayaa ku andacootay inuu dalka Sweden qorsheeynayo in Nato ay saldhig ka furanayso Gotland. Guddiga doorashooyinka Miljöpartiet ayaa soo bandhigi doona fikirkooda haweeneyda ey u arkaan inay ka mid noqoto labada hoggaamiye ee xisbiga. Kastamka oo codsanaya gacansiin dadka doonyaha leh sidii lagu ogaan lahaa doonyaha kontarabaanka dalka ku soo geliya. Ma jiro wax xiriir ah oo ka dhexeeya labadii kiis ee jadeecada ee maalmihii u dambeeyey laga heley Göteborg.

5 Apr 20242min

Ugu yaraan 12 haween ah ayaa lagu diley Sweden saddexdii bilood ee sannadka ugu horreeyey. 600 oo waraaqo la isu direy oo laga shakiyay ayaa kontrool lagu sameeyey, halka 500 oo ka mid ah laga heley naarkootika, dawooyin hormoono ah oo murqaha xoojiya iyo dawooyin aan sharci ahayn. Magaalada Göteborg ayaa laga heley kiis hor leh ee cudurka jadeecada, sida uu qoray wargeeyska Göteborgs-Posten.

4 Apr 20242min

Habeennimadii xalay oo arbacada maanta soo galeeysay ayaa la jebiyay rikoor 30 sannadood soo jirey ee habeenkii qabowga. Inta badan dhibaatooyinkii gaadiidka ee hawadii barafku sababtay ayaa la maareeyey. Dacwadaha laga soo oogo laaluushka ayaa aad kor ugu kacay waxaana ugu daran gaadiidka iyo laamaha gawaarida. Boliis lagu oogay dacwad inuu sabab u ahaa geeri qof mar gacanta lagu dhigayey sannadkii hore, ayaa la sheegay inuu shaqadiisa sii heeysan doono.

3 Apr 20243min

Tiro kor u dhaafaysa 12 000 ayaa sannadkii hore loo gudbiyey boliiska tuhun dacwadeed musuq gunnooyinka taageerada dhaqaale. Nin 28 jir ah ayaa maanta lagu soo oogey dacwad la xiriirta sabab u noqosho geeri iyo taxaddar daro gaadiid. Baaraha xukuumadda ayaa soo jeediyay adkeeynta xeerar ceymiska jirrada.

2 Apr 20242min

Nin 30-meeyo jir ah oo meydkiisa fiidnimadii arbacadii shalay laga heley meel dibadda ah magaalada Katrineholm. Ku dhowaad shan daloolow meel cunnada caalamka laga soo saaro ayaa sannad walba la xooraa, halka dad ka badan 780 malyan aaney heysan cunno ku filan. Dacwad laga gudbiyay shirkadda iswiidhishka ee tubaakada - Swedish Match iyo shirkadda iska leh ee Philip Morris. Haweeney lagu soo oogey dacwad la xiriirta inay 500 oo jeer wacday telefoonka gargaarka degdegga ee SOS (112) 2 sano.

28 Mar 20242min

Marka uu bilowdo tartanka is-reereebka horyaalka Sweden ee ragga sabtidan foodda innagu soo haysa ayaa 224 taageereyaal laga mamnuucay garoommada. Inta lagu guda-jiro ciidulfuska (påsk) ayay hawadu ku bilaaban doontaa roob dhanka koonfurta iyo baraf ka da'a nawaaxiga waqooyi. Magaalada Uppsala ayaa loo qabtay nin25-meeyo jir ah kadib toogasho ka dhacday fiidnimadii salaasadii xalay.

27 Mar 20242min

Dabayaaqada sanadkan, ayaa booliiska loo ogolaan doonaa in ay bilaabaan isticmaalka 'rasaasta' nooca caaga ah, kuwaas oo lagu ridi kari doono shakhsiyaadka handadaada wada kolka ay dadka isugu soo baxaan. In badan oo iswiidhish ah ayaa isku arka inay la kulmaan cimilo aad u daran nolol maalmeedkooda, sida lagu sheegay sahan la sameeyay. Wiil 19-sano jir ah ayaa maanta lagu xukumay xabsi daa'in, kaddib markii lagu helay dambi ah inuu dil geystay. Hase yeeshee iska dheereeyay dembigaa.

26 Mar 20242min

Joogsigii ama hakadkii dheeraa ee gawaarida oo ka dhacay wadada E22 ee gobolka Skåne bishii Janaayo ayaa ahaa mid laga hortagi karay. Sababo la xiriira ukumaha oo ku yar dalka Iswiidhen, ayaa ku dhawaad 18 boqolkiiba ukunta laga soo dhoofiyaa dalal kale, sida uu qabo ururka warshadaha ukunta ee Svenska ägg. Tafatiraha wargeeyska Expresen Klas Granström ayaa lagu helay dambi ah inuu sumcad dil geystay, sida uu sheegay telefishinka SVT.

25 Mar 20242min