Wararkii maanta ee Raadiyaha Iswiidhen

Wiil 15 jir ah ayaa loo xiray ku lug lahaansho looga shakisan yahay dil ka dhacay Bagarmossen oo dhacda koonfurta Stockholm horaantii bishii Luulyo. Toogasho ka dhacday magaalada Jävla ayaa lagu dhaawacay saddex ruux kuwaas oo midkood markii dambe uu u dhintay dhaawicii ka soo gaaray. Waddada E 45 ee barbar marta Lilla Edet,ayaa la filayaa in dib loo furo 24saacadood gudood.

29 Jul 20242min

Caawa waxaa magaalada Paris ka furmaya ciyaaraha Olimbikada. Sannadkan iyo sannadaha soo socdaba waxaa la filayaa inay Iswiidhen magangalyo doon u soo doontaan dad ka tiro yar intii hore. Inta lagu jiro bisha Juun, shaqo la'aantu waxay ahayd mid halkeeda taagan marka loo eego bishii hore.

26 Jul 20241min

Inkasta oo xiise ballaaran loo hayo difaaca madaniga ah ayey askar kummanaan gaareya uga baxeyaan wakhtiga oo ku yar. Wiil 18 jir ah ayaa loo qabtay qarax ka dhacay Upplands Väsby arbacaddii shalay, sida ay ay ku soo warrantay laanta idaacadda ee P4 Stockholm. Qiimaha daroogada amfetamin ee dalka Iswiidhen ayaa taariikhiyan ah mid hooseeysa.

25 Jul 20242min

Maamule shirkad dhisme ah oo ku taal Stockholm ayaa lagu soo oogay, waxyaabo oo ay ka mid yihiin ku danayasiga dadka u shaqeeya shirkadda. Gabadhii la tuhunsanaa in lagu dilay magaalada Landskrona ayaa noqotay gabadh ay da'deedu ahayd dhallaanka dhigta dugsiga dhexe. Shirkadda difaaca ee Saab ayaa dhamaystirtay dalabka balaayin ku baxayso ee nidaamka difaaca iyo qalabka difaaca oo loogu talagalay waddan reer galbeed ah oo aan la magacaabin.

24 Jul 20242min

Nin 20 jir ah ayaa lagu xukumay 16 sano oo xarig ah kadib markii uu nin oday ah ku dilay degmada Åstorp. Ku dhawaad 20,000 oo shatiga ama leeysanka baabuurta ayaa lala noqday qeybtii hore ee sanadkan, sida ay sheegtay hay'adda hoggaanka gaadiidka ee Iswiidhen. Ka hor inta aan la gaarin bandhig dhaqameedka Ereteriya iyo banaanbaxa looga soo horjeedo xafladda ee sannadkan, booliska Stockholm ayaa ku baaqaya in gargaar lala soo gaari doono.

23 Jul 20242min

Haweeney ayaa lagu eedeeyay inay ku sumeysay gabadheeda oo saddex sano jir ah daroogo. Bartamaha magaalada Malmö, ayaa qof loo qaaday isbitaal ka dib markii xalay gaari xawli dheereya ku socda uu ku galay goobta maxaddada basaska. Maalinta khamiista ayuu furmi doonaa bandhig dhaqameedka Eritreyaanka oo sannadkii hore ku dhammaaday rabshado.

22 Jul 20242min

Nin ayaa ku geeriyooday kadib markii uu ku qarqamay magaalada Norrtälje. Maxkamadda racfaanka ee Svea ayaa xaqiijisay in lagu xukumay kow iyo toban sano iyo toban bilood oo xarig ah nin 41 jir ah. Aaladda Tiktok ayaa xirtay 35 akoon oo been abuur ah oo la rumeysan yahay inay u xaglinayeen ama caawinayeen siyaasadda iyo ajendaha xisbiga Sverigedemokraterna.

19 Jul 20241min

Dambiyada la xiriira maandooriyaha ayaa kor u kacay sanadkan. Booliska caalamiga ah ee Europol ayaa ku lug yeeshay ka dib mowjado tuugo ah oo dhawaan ka dhacay magaalada Stockholm. Beerta madadaalada ee Liseberg ee ku taalla Göteborg ayaa go'aamisay in beerta biyaha ee Oceana ee Göteborg dib loo dhisi doono.

18 Jul 20241min