Wararka maanta iyo Sweden

Macbadka cibaadada Yuhuudda ee Malmö oo buuxin lahaa 120 sanadood ayaan loo samayn wax xus ah sababo la xidhiidha xaaladda bariga dhexe ka taagan wakhtigan. Shabakadda wararka Alkompis oo laba ka mid ah shaqaalaheeda ku qoreen bogaggooda gaarka ah ee facebook faalooyin loo arki karo kuwo ka dhan ah dadka Yuhudda. Dhawaaqa saacadda hurdada ka kicisa ee Alarm waxay ay dadka ku dhalisaa inay si degdeg ah u fikiraan sida lagu ogaaday daraasad cusub.

18 Okt 20233min

Madaxa xukuumadda Sweden Ulf Kristersson ayaa caddeeyay in laba muwaadin oo iswiidhish ah lagu diley toogasho ka dhacday magaalada Brugsell ee dalka Beljimka. Iswiidhishka ku sugan magaalada Brugsell ayaa loogu baaqay iney taxaddaraan. Laba shey oo looga shakisan yahay iney yihiin waxyaabaha qarxa oo laga heley magaalada Göteborg ayaa xiriir la yeelan kara dagaalka ka dhex socda kooxaha gaangiska ee magaalada Stockholm, sida uu qoray wargeeyska Göteborgs-Posten.

17 Okt 20233min

Qof walba ayaa Sweden isku qori kara cinwaankii uu doono, oo qofka ama dadka hooygaa horey u deggenaana ogaaneyaan marka ey boosto u timaaddo ama iyagu eegaan. Wiil 16-jir ah ayaa Rummaanka loo dhigey tuhun la xiriira saddex dil oo ka kala dhacey nawaaxiga Stockholm laba meelood oo kala duwan gabagabadii toddobaadkii ina dhaafay. Isticmaalka khamriga ayaa 2 boqolkiiba ka hooseeyey sannadkii tagay, marka loo barbardhigo sannadkii 2019.

16 Okt 20233min

Shir madaxeedka sarre oo u dhexeeya wadammada dhaca waqooyiga yurub oo ka dhacaya magaalada Visby, ee gobollka Gotland. Ra'iisul Wasaare Ulf Kristersson (M) ayaa rajo ka qaba in hannaanka ku biiritaanka gaashaanbuurta NATO uu horay tallaabo u qaadi doono. Ajaaniibta Sweden ku dhaqan ayaa qaarkood magacyadooda beddela si ey ugu sahlanaato iney shaqo ku helaan.

13 Okt 20233min

Diyaarad ku soo wajahan Iswiidhen ayaa caawa kasoo baxaysa Israa'iil. Boliiska magaalada Uppsala ayaa mar kale gacanta ku dhigay waxyaabaha qarxa goor dambe ee fiidnimadii arbacadii ina dhaaftay. Film uu faafiyay oo lagu gubayo quraanka ayaa lagu xukumay kicin ka dhan ah qowmiyad.

12 Okt 20232min

Wadahadalkii shirkadaha dayuurradaha rakaabka ee loogu talagalay daad gureeynta muwaadiniinta Iswiidhashka ee ku sugan Israa'iil ayaa hadda socota. Wiil aan qaangaarin ayaa lagu wadaa in maxkamad lagu soo taago shaki tuhun ah oo laga qabo inuu isu diyaarinayay weerar uu ku qaado iskuul ku yaala nawaaxiga Göteborg. Baarista sannadlaha oo ay soo saarto hayadda ka hortagga dembiyada ee BRÅ ayey 53 boqolkii ku jawaaben iney badankood welwel ka qabaan xaaladda dembiyada ee bulshada ka dhaca.

11 Okt 20232min

Labo ilmood oo aabbahood oo iswiidhish yahay oo ku geeriyoodey duqeymo dhanka cirka ah oo ay Israa'iil ka geysatay marinka Qaza malintii shalay, sidaay sheegtay Ekot. Ku dhowaad bar qaxootiga Ukrayn ee Sweden ku heley magangelyada ayaa shaqeeya oo masuufkooda ku filan, sida laga soo xigtay laanta idaacadda P4 Malmöhus. Qaraxyada iyo toogashooyinka sii xoogeysanaya ee dalka ka dhacaya ayaa sababay inay xukuumaddu tallaabooyin adadag kala hortimaado sidii loo yareeyn lahaa.

10 Okt 20233min

Iskuul lagu barto SfI oo ku yaalla magaalada Ludvika ayaa dhawaan laga bilaabay hab cusub oo ardaydayda afka Iswiidhashka lagu baro. Biladda dhaqaalaha sannadka 2023 ee lagu maamuuso Alfred Nobel ayaa lagu dhawaaqay inay ku guuleeysatay cilmibaaraha dhaqaale ee Mareeykanka Claudia Goldin. Go'aannada ay xukuumaddu ku tala jirto ee ka hortaga dambiyada iyo xoojinta amaanka ayaa waxa ka mid ah in la dhagaysan karo taleefanada dadka, xitaa iyadoon dembi lagu tuhunsanayn.

9 Okt 20233min