Wararka maanta iyo Sweden

Dembiilayaal Iswiidhash ah ayaa lagu xiray dalalka Seerbiya iyo Tuniisiya. Haweenaydii mindida ku weerartay gabadh 10 jir ah ee magalaada Ängelholm xagaagan, ayaa ah qof qaba xannunka dhimirka oo halis ah. Dhawr carruur oo ku nool degmeda Upplands- Bro ayeey dembiilayaal la soo xiriireen, iyadoo loo marayo aaladda Snapchat.

27 Okt 20232min

Tiro aad u yar ayaa soo codsanaya kuliyada tababarka macalimiinta. Bisha Agoosto ayaa ahayd bishii ugu badnayd ee la fuliyay khiyanaada dhanka taleefanka, halkaasi oo ay dad badani laga dhacay lacago. Xukuumadda ayaa doonaysa in la dheereeyo isticmaalka taayirada birta leh xiliga qabowga muddo ka dheer inta lagu guda jiro xiliga gu'ga.

26 Okt 20232min

Xisbiga Socialdemokraterna oo raba in shati cusub lagu xidho shirkada daryeelka caafimaadka si looga ilaaliyo kooxaha dambiilayaasha. Maxkamada Rafcaanka ee Göta oo xukuntay labadii gabdhood ee loo haystay dilka gabadha 20 jirka ahayd ee dhacay Oktoobar sanadkii hore. Tagsiilayaasha Uber iyo Bolt oo ka werwersan amaankooda.

25 Okt 20233min

Laba nin ayaa hadda lagu wadaa in baaritaan lagu sameeyo, baaritaankaas oo ku saabsan xiriirka ay la leeyihiin ninka looga shakisan yahay falka argagaxisnimo oo ka dhacay Brussels ee Abdesalem Lassoued. Israa'iil ayaa haatan ka falcelinaysa falkii ay Greta Thunberg ku dhaqaaqday, kadib markii ay mudaharaad ku taageertay Qaza. Degmeda Burlöv ee ka tirsan gobolka Skåne ayaa biloowday mashruuc ay uga hortagayso in dhalinyarada loo jiito shabakadaha dambiyada.

24 Okt 20234min

Subaxnimadii Axadii, ayaa la arkay rasaas lagu furay albaabka guri dabaq ah oo ku yaalla magaalada Mölndal ee koonfurta Göteborg. Jimcihii la soo dhaafay ayaa lamaane nin iyo xaaskiisa ah la soo xidhay kuwaasi oo loo haysto dambiyo ka dhan ah amniga qaranka. Hadda ardayda gobolka Gotland ayaa jimicsiga iyo dhaqdhaqaaqa jidhka loogu qori karaa waraaq cafimaad ahaan ama recept si looga hortago fadhiga badan ee u horseedi kara xanuun jidheed iyo mid maskaxeed labadaba.

23 Okt 20233min

Ninkii geeystay dilkii Brugsell ayaa la hadlay waalidkiii dhaley (hooyadii) ka hor inta uusan fulin fal-dembiyeedkaa. Ururka Gargaarka ee Xisbiga Bidixda, Ururka vänster International Forum (VIF) ayaa gargaar dhaqaale siiyay ururka Falastiiniyiinta ee DFLP. Sicirka kor u kacay saameeyeyna caalamka iyo bulshada reer Sweden ayaa sidoo kale culeeyn ku hayn kara qoysaska danyarta, gaar ahaan xilliyada is bedbedela.

20 Okt 20232min

Fannankii caanka ahaa ee Lasse Berghagen ayaa maanta geeriyooday. Ciyaarta isreebreebka koobka Yurub ee u dhaxaysa Sweden iyo Beljim ayaana dib loo cayaari doonin. Waxaa Sweden werwer ku abuuray qaraxyo taxane ah oo lagu bartilmaameedsanayo ehelada dad lagu tuhmayo in ubadkoodu xidhiidh la leeyihiin kooxaha gaangiska ah.

19 Okt 20233min

Macbadka cibaadada Yuhuudda ee Malmö oo buuxin lahaa 120 sanadood ayaan loo samayn wax xus ah sababo la xidhiidha xaaladda bariga dhexe ka taagan wakhtigan. Shabakadda wararka Alkompis oo laba ka mid ah shaqaalaheeda ku qoreen bogaggooda gaarka ah ee facebook faalooyin loo arki karo kuwo ka dhan ah dadka Yuhudda. Dhawaaqa saacadda hurdada ka kicisa ee Alarm waxay ay dadka ku dhalisaa inay si degdeg ah u fikiraan sida lagu ogaaday daraasad cusub.

18 Okt 20233min