Maanta iyo wararka Iswiidhen

Biladdii abaalmarinta noobelka ee caafimaadka oo la magacaabey cidda ku guuleeysatey. Dhawaan waxaa dhaqan gali doona xeer lagu adkeeyey ee tahriibka shaqada u yimaada dalka ee ka soo jeeda waddammada ka baxsan EU. Kulanka uu galabnimada maanta yeelan doono guddiga qaran ee ammaanka ayaa dhammaantii wuxuu ku saabsanaan doonaa hirarka rabshadaha dalka ka dhacayey beryahan dambe.

2 Okt 20233min

Xukuumadda oo fartay milateriga inuu howlaha qaarkood inta sharcigu ogol yahay gacan ku siiyo boliiska la dagaalanka rabshada gaangiska. Cunno-iibsigii oo yaraadey iyo iibsiga macmacaanka oo kor u kacay. Wasiirro xubno ka ah xukuumadda Sweden oo warqad farriin ah u direy dawladda Soomaaliya bishii maajo ee sannadkan 2023.

29 Sep 20232min

Waxaa hoos u sii dhaceeysa da'da dhallinyarada doonta iney isaga baxaan kooxaha dembiyada isku baheeysta. Saddex wiil oo 15-jirro ah oo boliisku ogaadey iney gacan ka geeysteen rabshadihii ka dhacay horraantii bishii sebteember xaafadda Rosengård oo uu ka dhacayay bannaanbax kitaab lagu gubayey. Dhaqaalexumidda dalka ka jirta oo sii adkaan doonta sannadka foodda innagu soo haya, sida uu saadaaliyay machadka culuunta is-rogrogga dhaqaalaka ee loo soo gaabiyo KI.

28 Sep 20233min

Xukuumadda ayaa doonaysaa in la hirgeliyo diiwaan qaran ee ogolaansho shati dadyoowga haya waxyaabaha qarxa. Falka sharaf-dhowrka ayaa ka dambeeyay mar uu sannadkii hore wiil ku dilay hooyadii magaalada Göteborg, sida ay go'aamisay maxkamadda racfaanka ee galbeedka Iswiidhen. Sabtidii ayaa la qabtay kulan looga xaajoonayay dhibaatooyinka cabashada ee waalidiinta soomaalida ee Iswiidhen ku dhaqan.

27 Sep 20232min

Turkey oo shuruuda helida diyaaradaha F16 ku xidhay xubinimada Iswiidhen ee gaashaanbuurta Nato. Dadka heley taageero dhaqaale ayaa shan jeer in ka badan halis ugu jira iney is-dilaan. sida ay sheegtay Ylva Ginsberg. Welwel badan ayaa waayadan dambe ka guuxayey bulshada soomaalida ee ku dhaqan dalka Sweden ee la xiriira carruurta waalidkood laga kaxeeyo.

26 Sep 20233min

Garoon ciyaaraaha oo ay ku tababartaan carruuurta kuna yaalla Stockholm ayaa dhawaanahan lagu arkay amni darro. Nin ku nool magaalada Malmö ayaa lagu soo oogay dacwad ah inuu dilay kadibna uu jarjaray haraaga jirka nin 20 jir ah. Dhawaantan ayay xukuumadda Iswiidhen ku dhawaaqday inay joojinayso lacag lagu tageeri jirey ururrada ku dhisan qoomiyadaha oo dhan 19 milyan oo karoonka Iswiidhishka ah.

25 Sep 20233min

Kooxda kubadda cagta AIK ee ka dhisan Solna, ayaa u digaysaa waalidiinta carruurtoodu u ciyaaraan naadiga. Safafka dheer ee loo galay goobaha codbixinta sannadkii hore, ayaan ahayn sababta ugu weyn ee keentay hoos u dhaca ku yimid codbixinta doorashada. Booliisku ayaa raadinayaan dambiilaha keligiis ah kadib markii xalay toogasho lagu dilay goob baar ku taal bartamaha Sandviken.

22 Sep 20232min

Haddii uu hirgalo sharciga ku saabsan ku soo wargelinta khasabka ah, degmada Göteborg ayaan wax tallaabo ah ka qaadi doonin shaqaalaha aan soo sheegin dadka sida sharci darrada ah ku jooga Iswiidhan. Waayeelka ka da'da weyn 75 sannadood waa in laga tallaalo fayruska RS.Waa boorin ka timid hayadda caafimaadka bulshada. Dhaqdhaqaaqa iyo tababarku wuxuu ka mid yahay waxyaalaha caafimaadka qofka kor u qaada, kana hor istaaga cdurro badan.

21 Sep 20232min